Biscoito caseiro con nata Leyma Natura

Biscoito caseiro con nata Leyma Natura

Un básico que repetirás ata cansarte. Este biscoito con nata Leyma Natura está para lamber os dedos! Fácil de facer, moi versátil e boísimo. Anímate a preparalo e verás, almorzar cun así, alegrarache o día 😉

Preparación
10 min.

Cociñado
45 min.

Total
55 min.

Racións
10

Ingredientes

  • 400 gr de nata Leyma Natura
  • 400 gr de fariña
  • 40 gr de fermento
  • 400 gr de azucre
  • 6 ovos

Preparación

  1. Antes de comezar, enfariñamos o molde para evitar que se nos pegue o biscoito.
  2. Prequentamos o forno a 180ºC.
  3. Vertemos todos os ingredientes nun bol.
  4. Batemos todo e mesturamos ben ata obter unha masa homoxénea e sen grumos.
  5. Unha vez mesturado, pasamos a masa ao molde.
  6. Enfornamos 45 minutos aproximadamente a uns 170º C, dependendo do forno que usemos.
  7. Para saber se o noso biscoito xa está feito, picámolo cun escarvadentes. Se sae limpo, podemos retiralo do forno; se ten restos de masa, deixámolo no forno uns minutos máis.
  8. Cando o noso biscoito xa estea feito, deixámolo arrefriar e personalizámolo ao noso gusto cos ingredientes que máis nos gusten: pebidas de chocolate, nutella, marmelada, amorodos…

As nosas suxerencias