Canelóns sorpresa de xamón, queixo e verduriñas

Canelóns sorpresa de xamón, queixo e verduriñas

A receita de hoxe é un pouquiño máis especial, xa que o ingrediente principal destos canelóns é o pan de molde. Unha receita que volverá tolos aos máis pequenos e ademáis súper nutritiva. Cómo é iso posible? Explicámoscho, é moi sinxelo.

Preparación
15 min.

Cociñado
60 min.

Total
75 min.

Racións
3

Ingredientes

Para a salsa de tomate:

  • 2 tomates grandes
  • 1 cullerada de aceite de oliva virxe extra
  • Sal
  • Pementa

Para os canelóns:

  • 6 rebanadas de pan de  molde
  • 6 liscos de queixo Leyma Natura
  • 6 liscos de xamón cocido
  • 2 tomates pequenos
  • 1/2 cabaciña
  • 1 puñado de perexil
  • Sal
  • 1 cullerada de manteiga Leyma Natura
  • Queixo de Arzúa-Ulloa Leyma Natura

Preparación

  1. Empezamos preparando a salsa de tomate, triturando os tomates e  sofritíndoos durante 5 ou 10 minutos co aceite, o sal e a pementa, ata que a salsa reduza e quede sen auga.
  2. Preparamos tamén unha mestura con cabaciña e tomate en taquiños pequenos, cun pouco de perexil, sal e aceite.
  3. Cun rodete, estiramos as rebanadas de pan de molde ata deixalas moi finas
  4. Poñemos sobre cada rebanada un lisco de queixo, un de xamón e unha cullerada da mestura de  verduriñas. Enrolámolos coma se fose un canelón.
  5. Nunha fonte para forno, vertemos a salsa de tomate caseira e colocamos os  canelóns. Derretimos no microondas a manteiga e untamos con ela os canelóns.
  6. Por encima colocaremos unha capa de queixo en liscos e partiremos tamén un pouco de queixo de Arzúa que esparexeremos por encima.
  7. Enfornamos a 180º durante 30 minutos aproximadamente e… a gozar!

As nosas suxerencias