Flan de castañas

Preparación

PREPARACIÓN DO CARAMELO

1. Primeiro poñemos un cazo ao lume a temperatura media, cando estea algo quente engadimos o azucre e posteriormente a auga. Non removades ata que se aprecie que o azucre empeza a coller cor. Cando isto ocorra, mesturamos, se pode ser cunha culler de madeira e retiramos do lume. A calor que queda será suficiente para obter o caramelo. Só teremos que seguir removendo para ver como se forma aos poucos.

2. Engadimos unhas pingas de limón para darlle brillo e reservamos ata que estea tépedo, que será cando o vertamos sobre o molde.

IMOS COAS CASTAÑAS

1. Collemos as castañas, facémoslles un corte na base e escaldámolas durante 5 min nunha pota con auga fervendo. Retirámolas e deixámolas arrefriar un pouco.

2. Pelámolas (ao estar quentiñas a cortiza debería saír con relativa facilidade)

3. Unha vez peladas, poñemos o leite nun cazo e engadimos o azucre. Engadimos as castañas e cocémolo todo a lume medio-baixo durante 20 min. Debemos evitar que se forme demasiada nata na superficie do leite.

4. Unha vez as castañas estean cocidas e blandiñas, quitámolas e as trituramos coa batedora. Debe quedar unha crema líquida, que despois debemos deixar temperar.

E AGORA O FLAN

1. O flan farémolo ao “baño maría”. Enchemos de auga a bandexa do forno e prequentarémola a 200º C ata que ferva a auga.

2. Batemos os ovos nun bol, engadimos o azucre e mesturamos.

3. Engadimos a crema de castaña que fixemos anteriormente e volvemos mesturar. Se vemos que quedan moitos anacos de castaña, podemos darlle un pouco máis coa batedora.

4. Poñemos a mestura nos moldes xa co caramelo, tapamos con papel de aluminio e metémolo no forno, dentro da bandexa con auga.

5. Enfornamos 45-50 min a 180º C ata que este callado. Picamos cun coitelo e se sae limpo está listo.

6. Desmoldamos o flan con coidado e listo para comer!