Puré de verduras

Puré de verduras

Un prato fácil, rápido, moi nutritivo e que resolve as ceas ou o primeiro prato de calquera comida. Nos substituímos a pataca por unha presa de arroz integral; a textura é semellante e é unha forma moi sinxela de incorporar cereais completos a unha dieta saudable.

Preparación
10 min.

Cociñado
20 min.

Total
30 min.

Racións
4

Ingredientes

  • 1 dente de allo
  • 1 cebola
  • 1 allo porro
  • 4 cenorias medianas
  • 1 cabaciña
  • 1 feixe de espinacas
  • 30 g de arroz integral (ou normal ou 1 pataca)
  • 50 ml de nata para cociñar Leyma Natura
  • auga

Preparación

  1. Lava e corta en anacos todas as verduras.
  2. Nunha pota con aceite de oliva, sofrite a cebola, o allo e o allo porro ata quedaren transparentes.
  3. Engade as cenorias e deixa refogar 5 minutos máis.
  4. Engade a cabaciña e mais as espinacas. Cobre con auga e incorpora o arroz.
  5. Deixa cocer 20 minutos. Engade a nata e tritura cunha minipímer ou un pasapurés.