Torta de turrón brando

Torta de turrón brando

Unha nova forma de presentar a sobremesa do Nadal. O suave sabor desta torta de turrón brando deixará aos teus invitados coa boca aberta e converterase no broche final perfecto para esa cea tan especial.

Preparación
15 min.

Cociñado
35 min.

Total
50 min.

Racións
6

Ingredientes

Para a base:

  • 150 gr de galletas María
  • 75 gr de manteiga Leyma Natura

Para o recheo:

  • 300 ml de nata para montar Leyma Natura
  • 200 ml de leite enteiro Leyma Natura
  • 250 gr de turrón brando
  • 1 sobre de callada en po

Preparación

  • Primeiro prepararemos a base da torta. Trituramos as galletas e mesturámolas ben coa manteiga previamente derretida no microondas ata conseguir unha masa uniforme.
  • Cubrimos a base do molde con papel de forno e vertemos a mestura. Imos presionando cunha culler para que a base quede lisa. Unha vez estea lista, metemos o molde na neveira para que se arrefríe.
  • Mesturamos o sobre de callada en po cun pouco de leite e removemos ata que se disolva ben.
  • Quentamos a lume medio nunha pota a nata xunto co resto do leite e o turrón brando, removendo de forma continua para que non se formen grumos e evitar que se pegue.
  • Cando a mestura chegue ao momento de ebulición engadimos a callada xa disolta e mesturamos. Tan pronto ferva, retiramos do lume.
  • Sacamos o molde que tiñamos na neveira e incorporamos a nova mestura. Deixamos arrefriar e volvemos meter na neveira durante varias horas.
  • Decoramos ao gusto cos nosos ingredientes favoritos: chocolate, caramelo, froitos secos, nata… Deixa voar a túa imaxinación e a gozar!

As nosas suxerencias