Tiramisú de castaña
É tempo de castañas e que mellor que aproveitalo! Marchando un tiramisú de castañas e a gozar da receita!
Tempo de preparación (minutos): 90
Tempo de cociñado (minutos): 1080
Racións: 4
Ingredientes
Ingredientes base
- 150 gr. de castañas
- 1/2 culleradiñas de café instantáneo
- 2 culleradas de aceite de coco (líquido)
- 2 culleradas de auga
- Sal
Ingredientes capa mousse de chocolate
- 250 gr. de castañas
- 7 culleradas de leite enteiro Leyma Natura
- 4 culleradas de aceite de coco (líquido)
- 2 culleradas de cacao en po
- 1/2 cullerada de panela
- 1 cullerada de café instantáneo
Ingredientes capa crema
- 80 gr. de castañas
- 75 ml. de leite enteiro Leyma Natura
- 1 cullerada de sirope de agave
- Sal
Preparación
- Pelar as castañas e poñelas en remollo durante 12 horas. Logo bater os ingredientes para facer a base do tiramisú ata obter unha mestura homoxénea.
- Colocar a masa no molde e poñelo no conxelador.
- Logo bater os ingredientes da mousse de chocolate tamén ata obter unha masa homoxénea. Sacar o molde que tiñamos no conxelador e colocar a mousse sobre a base e introducimos de novo isto no conxelador.
- Agora toca bater os ingredientes da capa de crema e volvemos a sacar o molde do conxelador e botámoslle por riba a crema. Poñerlle film transparente ao molde e ao conxelador de novo durante seis horiñas.
- 30 minutos antes de servir, retirar do conxelador e empoar co cacao por riba. E a gozar!